今日第一日做戶外攝影，尋找fashion 人，同我一齊的是一位靚靚妹妹Angel，
第一日我都覺得幾好彩，因為Angel樣靚又肯做，又識少少日文，跟住我呢毫無要求的人，一切都就她吧，其實應該是她就了我很多XD….因為我口啞啞唔識問人，第一日做總係會吃螺絲，問卷也是如此。在兩個老爺牌門口企了五小時，影了五十多張，有點兒辛苦的感覺，但質量好高。
同幾個鬼佬影，真係好好人， 問鬼佬，距點都會停低聽你講，唔得再走，問香港人，當你透明。問10個鬼佬，10個都會俾你影，問香港，有人答你已經Happy。最開心係同一個外國女仔影，我覺得她好似model，她完全知道我想做甚麼，我影完一張她就會轉pose，完全不用我出聲，而且人都好靚，全程最舒服的就是這一刻。同時都和好多韓國同日本人影，講英文都聽不明？好在這個世界有手語，更重要的是，他們的國家總走在潮流的前端。
我會堅持做多幾天，不知道自己適不適合，人工是random的，我只希望能找些少零用錢，接著幾天可能不會做太夜了，夜晚的時光好重要。
